30 Abr

Xa temos CARTEL do VIIº Día do Pequebasket de Carballo.

O vindeiro 17 de Maio de 2019, terá lugar o VII do Día do Pequebasket en Carballo, a festa anual que organiza a Escola Basket Xiria para nenos e nenas de 5 a 8 anos, que conta xa co cartel oficial desta edición.

Carballo, 30 de Abril de 2019. O Cartel oficial quere representar a importancia destacada dos nenos e nenas nesta xornada, así como facer un guiño ó día das letras Galegas, co Taboleiro de Baloncesto coa bandeira de Galicia. Tamén se fai referencia á vila de Carballo a través das follas de Carballo que flotan polo cartel.

A Escola Basket Xiria espera reunir o vindeiro 17 de maio en Carballo a máis de 600 nenos/as e, en consecuencia, a 600 familias que compartirán con nós unha xornada de deporte, cultura, xogos e diversión que será posible grazas á implicación de institucións como o Concello de Carballo e a Federación Galega de Baloncesto, e á colaboración de numerosas empresas e entidades ás que queremos agradecer publicamente o seu esforzo.

O prazo de inscrición xa está aberto dende fai días, e xa confirmaron a súa asistencia preto de 30 equipos. Amosamos para ver e descargar o CARTEL OFICIAL do VII Día do Pequebasket

A organizador do 7º Día do Pequebasket leva varias semanas traballando na programación da xornada lúdica, festiva e deportiva que se celebrará o Día das Letras Galegas e xa pronto pechará as actividades lúdicas e de lecer.

O prazo de inscrición rematará o día 5 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com e a solicitude de inscrición (enlace: https://www.diapequebasket.es/wp-content/uploads/inscricion-info-DIA-PEQUEBASKET_2019_FORM.pdf, ao igual que toda a información dispoñible sobre o evento está páxina web: www.diapequebasket.es

14 Abr

Abrese o prazo de inscrición para o “VIIº DÍA do PEQUEBASKET”

Carballo, 14 de abril do 2019. Mañá abrese o prazo de inscrición para a sexta edición do DIA DO PEQUEBASKET. A Escola Basket Xiria espera reunir o vindeiro 17 de maio en Carballo a máis de 700 nenas e nenos de 5 a 8 anos de idade, que gozarán xunto ás súas familias dunha xornada de deporte, cultura, xogos e diversión. Ao mesmo tempo que seguen a chegar solicitudes de información de novos clubes que nunca participaron, o equipo organizador do VII DIA DO PEQUEBASKET avanza na programación dos distintos apartados da actividade, que ten un marcado carácter familiar e que supón, ao mesmo tempo, unha homenaxe do baloncesto carballés ao Día das Letras Galegas.

O prazo de inscrición rematará o día 5 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com e a solicitude de inscrición (enlace: https://www.diapequebasket.es/wp-content/uploads/inscricion-info-DIA-PEQUEBASKET_2019_FORM.pdf , ao igual que toda a información dispoñible sobre o evento está páxina web: www.diapequebasket.es

05 May

Pechase a inscrición do 6ºDía do Pequebasket con récord de 62 equipos.

Rematado o prazo de onte, a organización do 6º DIA do PEQUEBASKET, pécha a inscrición con récord absoluto de equipos anotados. O número de equipos participantes quedara nesta nova edición en 62 inscritos que estarán en Carballo o vindeiro día 17 de Maio.

Carballo, 5 de maio do 2018. A organización do 6º Dia do Pequebasket, decidiu onte nunha reunión, de acordo coa Federación Galega de Baloncesto pechar o prazo de inscrición desta sexta edición, dado o número de equipos interesados ascende a 62.
Novamente supérense as expectativas da Escola Basket Xiria, Concello de Carballo, Deputación da Coruña e Federación Galega de Baloncesto, incluso ás do año 2017 (con 57 equipos) e por outra banda, bátase un novo récord absoluto de equipos participantes (61 equipos en 2016). Os 62 equipos que participarán no 6º Dia do Pequebasket, eleva o número de participantes a máis de 700.
Unha vez máis supera as expectativasebe iSto ben a confirmar que a idea de organizar o DIA DO PEQUEBASKET como EVENTO LÚDICO-DEPORTIVO e coma clausura das Escolas de Iniciación de Baloncesto do Club, esta a chegar aos clubs de Galicia e xa conta con moitos equipos que non se queren perder este día de xogos, diversión e deporte en Carballo.

Aproveitamos a presente para recordarvos que a Presentación do evento, será na Biblioteca Municipal do Rego da Balsa de Carballo, o mércores 9 as 19:00h, e na que daremos máis datos sobre os equipos, clubs e participantes. Ademais contaremos coa presenza do Sr. Alcalde de Carballo, Evencio Ferrero; do Presidente da Federacion Galega de Baloncesto, Francisco Martín Micó e máis de representantes da Deputación da Coruña, e na que estades tod@s convidad@s.

ESCOLA BASKET XIRIA
info@diapequebasket.es
www.diapequebasket.es
#DiaPequebasket2018

17 Abr

A VIª Edición do Pequebasket en Carballo xa ten Cartel Oficial

O vindeiro 17 de Maio de 2018, terá lugar unha nova edición do Día Autonómico do Pequebasket en Carballo, a festa anual que organiza a Escola Basket Xiria para nenos e nenas de 5 a 8 anos, que conta xa co cartel oficial desta sexta edición.

Carballo, 17 de Abril de 2018. O Cartel oficial quere representar a importancia destacada dos nenos e nenas nesta xornada, así como facer un guiño ó día das letras Galegas, co Taboleiro de Baloncesto coa bandeira de Galicia. Tamén se fai referencia á vila de Carballo a través das follas de Carballo que flotan polo cartel.

A Escola Basket Xiria espera reunir o vindeiro 17 de maio en Carballo a preto de 600 nenos/as e, en consecuencia, a 600 familias que compartirán con nós unha xornada de deporte, cultura, xogos e diversión que será posible grazas á implicación de institucións como o Concello de Carballo, a Deputación Provincial da Coruña e a Federación Galega de Baloncesto, e á colaboración de numerosas empresas e entidades ás que queremos agradecer publicamente o seu esforzo.

O prazo de inscrición xa está aberto dende fai días, e xa confirmaron a súa asistencia máis de 20 equipos.

O equipo organizador do 6º Día do Pequebasket leva varias semanas traballando na programación da xornada lúdica, festiva e deportiva que se celebrará o Día das Letras Galegas e xa pronto pechará as actividades lúdicas e de lecer.

Precisamente dado o éxito e a repercusión que tivo o 5º Día do Pequebasket, que xa está considerada xa como un evento de referencia autonómica, este ano aumentouse o límite a 60 equipos, para intentar batir todos os records de asistencia ata o momento.

Cartel_VI_Dia_Pequebasket_2018

O prazo de inscrición rematará o día 4 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com e a solicitude de inscrición (enlace: https://www.diapequebasket.es/wp-content/uploads/inscricion-+-info-DIA-PEQUEBASKET_2018_form.pdf , ao igual que toda a información dispoñible sobre o evento está páxina web: www.diapequebasket.es

Escola Basket Xiria

#6ºDiaPequebasket

06 Abr

Abrese o prazo de inscrición para o “6º DÍA do PEQUEBASKET”

Xa son varios os clubes que confirmaron a súa asistencia, antes da propia apertura formal do prazo da inscrición, polo que a Escola Basket Xiria espera cubrir os mesmos participantes que nas últimas edicións.

Carballo, 6 de abril do 2016. Onte abriuse o prazo de inscrición para a sexta edición do DIA DO PEQUEBASKET. A Escola Basket Xiria espera reunir o vindeiro 17 de maio en Carballo a máis de 600 nenas e nenos de 5 a 8 anos de idade, que gozarán xunto ás súas familias dunha xornada de deporte, cultura, xogos e diversión. Ao mesmo tempo que seguen a chegar solicitudes de información de novos clubes que nunca participaron, o equipo organizador do DIA DO PEQUEBASKET avanza na programación dos distintos apartados da actividade, que ten un marcado carácter familiar e que supón, ao mesmo tempo, unha homenaxe do baloncesto carballés ao Día das Letras Galegas.

Nesta sexta edición, que supón todo un grande esforzo a nivel organizativo e un novo reto, haberá novidades respecto ás actividades lúdicas, nas que estamos a traballar para a diversión dos participantes e de todo o público en xeral que desexa pasar un dia distinto con nós.

A Escola Basket Xiria agradece a implicación do Concello de Carballo e Carballo Deporte, da Deputación Provincial da Coruña e a Federación Galega de Baloncesto, así coma de todos os patrocinadores do Club e dos colaboradores pola boa acollida que dispensan ao DIA DO PEQUEBASKET.

Escola Basket Xiria

#6ºDiaPequebasket

10 May

Presentación do “5ª DIA do PEQUEBASKET 2017” no Casino de Carballo

A Escola Basket Xiria presentou a quinta edición do seu Día do Pequebasket nun concorrido acto que tivo lugar no Casino

FOTOGRAFÍAS DO EVENTO

10/5/2017 O 17 de maio Carballo será, por quinto ano consecutivo, capital galega do baloncesto para os máis cativos. 650 xogadores de entre 5 e 8 anos e 55 equipos de toda a comunidade citaranse na zona do Pavillón Carballo Calero para gozar do V Pequebasket, unha data subliñada no calendario de clubs de Viveiro, Ourense, Lugo, As Pontes, A Coruña, Santiago, Ferrol, Porto do Son, Sarria, Teo, Vigo, Culleredo, Ponteceso, Cee, A Laracha e, claro está, a nosa localidade. A organización quedou, coma sempre, nas mans da Escola Basket Xiria, que conta coa colaboración do Concello, a Deputación Provincial da Coruña e a Federación Galega de Baloncesto.

Do interese que esperta cada ano esta xornada de convivencia, deporte, saúde e amizade (que clausura, ademais, a tempada das Escolas de Iniciación do Basket Xiria e, nesta ocasión, tamén o Babybasket, a nova competición creada este curso pola Federación Galega) fala o feito de que houbese que pechar a inscrición once días antes da celebración do evento, e logo de ampliar ata 55 o número máximo de equipos participantes, inicialmente establecido en 49.

Como novidade, o vindeiro mércores non visitará o Pavillón Carballo Calero o ata este ano padriño do Pekebasket, Fernando Romay, pero si está confirmada a presencia de varios xogadores do primeiro equipo do Obradoiro.

O Pequebasket 2017 presentouse hoxe no Casino, nun acto no que foi anfitrión o presidente da xestora da entidade, Ricardo Vilas, e no que participaron o alcalde, Evencio Ferrero; o presidente da Escola Basket Xiria, Marcos Díaz Molk; o responsable de Deportes da Deputación, José García Liñares, e o presidente da Federación Galega de Baloncesto, Francisco Martín.

“Nos nosos soños chegaríamos aos 1.000 participantes -asegurou Molk-, pero, por presuposto, tivemos que pechar a inscrición en case 650. Os cartos para o Pequebasket –engadiu- non son un gasto, son un investimento de futuro: en educación, en adestradores, en saúde”. Entre os agradecementos do presidente do Basket Xiria, ademais do alcalde e do edil de Deporte, Marcos Trigo, estivo o concelleiro de Turismo e Promoción Económica, Xose Regueira, “un dos impulsores do Pequebasket desde a primeira edición”, dixo.

Francisco Martín mostrouse gratamente sorprendido do “percorrido que está a ter o Pequebasket” e confesou que cando a Federación Galega puxo a andar o BabyBasket fíxoo tendo sempre moi presente o torneo do Basket Xiria. “Chámese Pequebasket, Babybasket ou como se chame, Carballo ten que ser un referente no baloncesto galego para rapaces desta idades”.

Para Liñares, o Pequebasket “ten un aspecto importantísimo, que é o da convivencia: a convivencia fomenta a educación e, loxicamente, a través da educación seremos moito máis libres”.

O alcalde de Carballo lembrou os nacementos de varias das seccións de Xiria no ano 1983. “Pero o que é máis importante de todo –dixo- é que moitas persoas que formaron parte de Xiria desde hai moitos anos sigan vinculadas ao club, porque o que claramente demostra isto é que os proxectos que teñen sentido son os colectivos, e os proxectos colectivos son os que lle dan vida a un pobo. Neste aspecto, todos nos temos que sentir moi afortunados de dicir que en Carballo o deporte é tremendamente relevante: no baloncesto e noutras categorías deportivas”.

06 May

650 participantes e 55 equipos no “5ª Dia do Pequebasket” en Carballo

Péchase anticipadamente o prazo de inscrición dado que os últimos días superaban o límite de 49 equipos que se poñía a organización e a pesares deste límite, decidiuse ampliar a 55 os equipos participantes no evento. O V Aniversario do Día do Pequebasket, seguirá sendo un éxito de participación.

Carballo, 06 de Maio de 2017. A falta de 11 días para o 5º Día do Pequebasket, todo está en marcha para que o día das letras galegas volva a ser un referente do Baloncesto de Base en Carballo, xa que a este evento acércanse máis de 600 rapaces e rapazas de toda Galicia para desfrutar dun día de convivencia, deporte, saúde e amizade.

Este evento volve a superar as expectativas da Escola Basket Xiria, no que colaboran tamén o Concello de Carballo, Deputación da Coruña e Federación Galega de Baloncesto, así como outros patrocinadores de forma privada.

Isto ben a confirmar que a idea de organizar o DIA DO PEQUERBASKET como EVENTO LÚDICO-DEPORTIVO e coma clausura das Escolas de Iniciación de Baloncesto do Club, esta a chegar aos clubs de Galicia e xa conta con moitos equipos que non se queren perder este día de xogos, diversión e deporte en Carballo. Ademáis, durante a presente tempada, creouse a liga de Babybasket nas mesmas idades por toda Galicia, e está dando moi bos resultados deportivos.

Aproveitamos a presente, para recordarvos a data de presentación do 5º Dia do Pequebasket, que será o vindeiro MARTES día 9 de MAIO, as 19:15 h no Casino de Carballo (rúa Vázquez de Parga nº 1) e na que estades tod@s convidados. Invitamos especialmente ós nenos e nenas máis pequenos, para que desfruten dunha sorprendente actuación.

18 Abr

Dítico Pequebasket 2017

Ditico Pequebasket 2017 (en pdf)

11 Abr

O V Día do Pequebasket en Carballo abre a inscrición de equipos

Xa son varios equipos os que confirmaron a súa asistencia, antes da propia apertura formal do prazo da inscrición, polo que a Escola Basket Xiria, conta superar os inscritos da cuarta edición.

Carballo, 12 de abril do 2017. O Mércores día 12 de Abril, ábrese o prazo de inscrición para a quinta edición do DIA DO PEQUEBASKET. A Escola Basket Xiria espera reunir o vindeiro 17 de maio en Carballo a máis de 600 nenas e nenos de 5 a 8 anos de idade, que gozarán xunto ás súas familias dunha xornada de deporte, cultura, xogos e diversión. Ao mesmo tempo que seguen a chegar solicitudes de participación, o equipo organizador do DIA DO PEQUEBASKET avanza na programación dos distintos apartados da actividade, que ten un marcado carácter familiar e que supón, ao mesmo tempo, unha homenaxe do baloncesto carballés ao Día das Letras Galegas.

O prazo de inscrición rematará o día 6 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com e a solicitude de inscrición (enlace: https://www.diapequebasket.es/wp-content/uploads/inscricion-e-info-pequebasket_2017_FORM.pdf ) , ao igual que toda a información dispoñible sobre o evento está páxina web: www.diapequebasket.es

Nesta quinta edición, que supón todo un grande esforzo a nivel organizativo e un novo reto, haberá novidades respecto ás actividades lúdicas, nas que estamos a traballar para a diversión dos participantes e de todo o público en xeral que desexa pasar un dia distinto con nós.

A Escola Basket Xiria agradece a implicación do Concello de Carballo, a Deputación Provincial da Coruña e a Federación Galega de Baloncesto, así coma de todos os patrocinadores do Club e dos colaboradores pola boa acollida que dispensan ao DIA DO PEQUEBASKET.

ESCOLA BASKET XIRIA

11 Abr

Cartel Pequebasket 2017 Carballo A Coruña