Archivos por etiqueta: carballo

17 Abr

A VIª Edición do Pequebasket en Carballo xa ten Cartel Oficial

O vindeiro 17 de Maio de 2018, terá lugar unha nova edición do Día Autonómico do Pequebasket en Carballo, a festa anual que organiza a Escola Basket Xiria para nenos e nenas de 5 a 8 anos, que conta xa co cartel oficial desta sexta edición. 

Carballo, 17 de Abril de 2018. O Cartel oficial quere representar a importancia destacada dos nenos e nenas nesta xornada, así como facer un guiño ó día das letras Galegas, co Taboleiro de Baloncesto coa bandeira de Galicia. Tamén se fai referencia á vila de Carballo a través das follas de Carballo que flotan polo cartel.

Escola Basket Xiria espera reunir o vindeiro 17 de maio en Carballo a preto de 600 nenos/as e, en consecuencia, a 600 familias que compartirán con nós unha xornada de deporte, cultura, xogos e diversión que será posible grazas á implicación de institucións como o Concello de Carballo, a Deputación Provincial da Coruña e a Federación Galega de Baloncesto, e á colaboración de numerosas empresas e entidades ás que queremos agradecer publicamente o seu esforzo.

prazo de inscrición xa está aberto dende fai días, e xa confirmaron a súa asistencia máis de 20 equipos.

O equipo organizador do 6º Día do Pequebasket leva varias semanas traballando na programación da xornada lúdica, festiva e deportiva que se celebrará o Día das Letras Galegas e xa pronto pechará as actividades lúdicas e de lecer.

Precisamente dado o éxito e a repercusión que tivo o 5º Día do Pequebasket, que xa está considerada xa como un evento de referencia autonómica, este ano aumentouse o límite a 60 equipos, para intentar batir todos os records de asistencia ata o momento.

Cartel_VI_Dia_Pequebasket_2018

O prazo de inscrición rematará o día 4 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com  e a solicitude de inscrición (enlace: http://www.diapequebasket.es/wp-content/uploads/inscricion-+-info-DIA-PEQUEBASKET_2018_form.pdf , ao igual que toda a información dispoñible sobre o evento está páxina web:  www.diapequebasket.es

 Escola Basket Xiria

#6ºDiaPequebasket

06 Abr

Abrese o prazo de inscrición para o “6º DÍA do PEQUEBASKET”

Xa son varios os clubes que confirmaron a súa asistencia, antes da propia apertura formal do prazo da inscrición, polo que a Escola Basket Xiria espera cubrir os mesmos participantes que nas últimas edicións.

Carballo, 6 de abril do 2016.  Onte abriuse o prazo de inscrición para a sexta edición do DIA DO PEQUEBASKET. A Escola Basket Xiria espera reunir o vindeiro 17 de maio en Carballo a máis de 600 nenas e nenos de 5 a 8 anos de idade, que gozarán xunto ás súas familias dunha xornada de deporte, cultura, xogos e diversión. Ao mesmo tempo que seguen a chegar solicitudes de información de novos clubes que nunca participaron, o equipo organizador do DIA DO PEQUEBASKET avanza na programación dos distintos apartados da actividade, que ten un marcado carácter familiar e que supón, ao mesmo tempo, unha homenaxe do baloncesto carballés ao Día das Letras Galegas.

O prazo de inscrición rematará o día 4 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com  e a solicitude de inscrición (enlace: http://www.diapequebasket.es/wp-content/uploads/inscricion-+-info-DIA-PEQUEBASKET_2018_form.pdf , ao igual que toda a información dispoñible sobre o evento está páxina web:  www.diapequebasket.es

324F6839-7EAF-44D9-BC9E-8

Nesta sexta edición, que supón todo un grande esforzo a nivel organizativo e un novo reto, haberá novidades respecto ás actividades lúdicas, nas que estamos a traballar para a diversión dos participantes e de todo o público en xeral que desexa pasar un dia distinto con nós.

A Escola Basket Xiria agradece a implicación do Concello de Carballo e Carballo Deporte, da Deputación Provincial da Coruña e a Federación Galega de Baloncesto, así coma de todos os patrocinadores do Club e dos colaboradores pola boa acollida que dispensan ao DIA DO PEQUEBASKET.

 Escola Basket Xiria

#6ºDiaPequebasket

06 May

650 participantes e 55 equipos no “5ª Dia do Pequebasket” en Carballo

Péchase anticipadamente o prazo de inscrición dado que os últimos días superaban o límite de 49 equipos que se poñía a organización e a pesares deste límite, decidiuse ampliar a 55 os equipos participantes no evento. O V Aniversario do Día do Pequebasket, seguirá sendo un éxito de participación.

Carballo, 06 de Maio de 2017. A falta de 11 días para o 5º Día do Pequebasket, todo está en marcha para que o día das letras galegas volva a ser un referente do Baloncesto de Base en Carballo, xa que a este evento acércanse máis de 600 rapaces e rapazas de toda Galicia para desfrutar dun día de convivencia, deporte, saúde e amizade.

Este evento volve a superar as expectativas da Escola Basket Xiria, no que colaboran tamén o Concello de Carballo, Deputación da Coruña e Federación Galega de Baloncesto, así como outros patrocinadores de forma privada.

Isto ben a confirmar que a idea de organizar o DIA DO PEQUERBASKET como EVENTO LÚDICO-DEPORTIVO e coma clausura das Escolas de Iniciación de Baloncesto do Club, esta a chegar aos clubs de Galicia e xa conta con moitos equipos que non se queren perder este día de xogos, diversión e deporte en Carballo. Ademáis, durante a presente tempada, creouse a liga de Babybasket nas mesmas idades por toda Galicia, e está dando moi bos resultados deportivos.

Equipos participantes 55

Aproveitamos a presente, para recordarvos a data de presentación do 5º Dia do Pequebasket, que será o vindeiro MARTES día 9 de MAIO, as 19:15 h no Casino de Carballo (rúa Vázquez de Parga nº 1) e na que estades tod@s convidados. Invitamos especialmente ós nenos e nenas máis pequenos, para que desfruten dunha sorprendente actuación.

14 May

Fernando Romay voltará o Martes 17 ó “4º Día do Pequebasket”.

A cifra de participantes é todo un record para Carballo.

Carballo, 13 de Maio de 2016. Fernando Romay, será un ano máis o padriño do Pequebasket, un evento deportivo orientado a nenos de 5 a 8 anos en Carballo, que este ano contará con cerca de 700 participantes federados en 60 equipos participantes de toda Galicia, máis os nenos e nenas non federados que poderán asistir de maneira gratuita a este gran evento infantil.

O padriño do Día do Pequebasket, Fernando Romay
Como novidade, nesta edición farase unha recollida de Leite para a campaña “NINGÚN NIÑO SIN BIGOTE” en colaboración coa Obra Social “La Caixa” … http://www.granrecogidadeleche.es/

Campaña "Ningún Niño sin Bigote"

Como sabedes, en España todavía hai miles de familias que non poden cubrir as necesidades máis elementales, como pode ser unha alimentación adecuada para os seus fillos, polo que se está a traballar para facer chegar un alimento tan básico como o leite. Para que ningún neno quede sen bigote, necesitamos a colaboración de toda a sociedade, e dende a Escola Basket Xiria no día do Pequebasket, no que se espera a asistencia de máis de 5.000 persoas, farase esta recollida solidaria de leite.
Dende o club queremos dalas gracias ós máis de 100 voluntarios e voluntarias que participarán neste evento de difusión do deporte e valores na capital de Bergantiños, que durante un día se convirte na capital autonómica do Baloncesto en idades tempranas.

+ info: Calendario de partidos: http://www.diapequebasket.es/wp-content/uploads/Calendario-e-horarios-Pequebasket-2016.pdf

Cartel e dítico de hostalería de Carballo: http://www.diapequebasket.es/ditico-cartel/

Vídeo da edición do Pequebasket 2015: https://www.youtube.com/watch?v=u2Q4uW6nQRY

Galería de fotos edicións pasadas: http://www.diapequebasket.es/galeria/

ESCOLA BASKET XIRIA
info@diapequebasket.es
www.diapequebasket.es
#4DiaPequebasket

07 May

Oito canchas de minibasket, máis de cen partidos, inchables, xogos e moito máis: o 17 de maio no IV Día do Pequebasket

Máis de 700 nenos e nenas de entre 5 e 8 anos participarán o martes 17 de maio no IV Día do Pequebasket, unha cita que invadirá Carballo con 60 equipos das categorías de base e que bate, segundo explicou o Presidente da Escola Basket Xiria Diego Vázquez, “todos os récords” sendo un evento “de referencia autonómica e en pouco tempo, esperemos que o sexa nacional”, tamén confirmou a presenza de Fernando Romay.

Carballo, 6 de Maio de 2016. O xoves levouse a cabo a presentación oficial do “IV Dia do Pequebasket”, no casino de Carballo.

Oito (8) canchas de peque e minibasket, un total de 110 partidos en formato 4×4, inchables, coches e a pedais e moitos xogos son só algunhas das actividades que terán lugar nesta cita que ten como principal obxectivo que os nenos e nenas o pasen ben e desfruten dun día inesquecible.

Así o explicou Francisco Martín Mico, Presidente da Federación Galega de Baloncesto, que expresou a súa “maior alegría porque se forme aos nenos e nenas nos valores do deporte”. Aproveitou para transmitirlle os seus parabéns aos campións galegos, os cadetes de “Carballo a un Paso” Basket Xiria, “competindo con equipos de Coruña, Santiago ou Vigo”. Aproveitou tamén para confirmar a presenza de Fernando Romay, que coma en anos anteriores, non quere perder esta nova cita en Carballo, donde está a crear un gran vínculo deportivo coma padriño do “DIA DO PEQUEBASKET”.

CARTA PARABENS A CADETE MASCULINO – FEDERACION GALEGA DE BALONCESTO

Orgullo do deporte carballés.

Deputado de Deportes da Diputación da Coruña, Xosé García Liñares, tamén resaltou que “sen tesón e sen esforzo non hai nada”. Pechou a quenda de intervencións o Alcalde de Carballo, Evencio Ferrero, que estivo presente na cita xunto co Concelleiro de Deporte, Marcos Trigo, e o de Promoción Económica e Turismo Xosé Regueira. Ferrero aproveitou para reiterar os seus parabéns para os cadetes de Carballo. “A estas alturas da evolución dunha entidade como Basket Xiria temos que dicir que Carballo é deporte”. Por iso, Ferrero quixo agradecer “o traballo de todos e todas, a ilusión e o empuxe, porque todos nos sentimos orgullosos de ser carballeses ao ver que os nosos equipos trunfan”. Rematou desexándolle moito éxito ao IV Día do Pequebasket.

AS FOTOGRAFÍAS DO EVENTO NO CASINO

Para rematar a presentación, proxectouse un vídeo (PREME NO ENLACE) resumo do III Día do Pequebasket celebrado en 2015 que podedes ver aquí. Vémonos o día 17 con moito baloncesto!

Vídeo resumo do Pequebasket 2015

#4DiaPequebasket

04 May

Presentación do Pequebasket Xoves 5 de Maio no Casino de Carballo

Mañán xoves día 5, ás 19h., no CASINO DE CARBALLO, terá lugar o acto de presentación do “4º DIA do PEQUEBASKET”.

O Casino de Carballo acolle o Xoves 5 de Maio ás 19.00 h. a presentación oficial do IV Día do Pequebasket, que este ano contará con 60 equipos e máis de 700 nenos e nenas que invadirán o Día das Letras Galegas o Pavillón Carballo Calero e toda a contorna da zona Bergantiños.

Está prevista a presenza na cita do Alcalde de Carballo, Evencio Ferrero; do Concelleiro de Deporte, Marcos Trigo; do presidente da Federación Galega de Baloncesto Francisco Martín Mico; do Deputado de Deportes da Diputación da Coruña Xosé García Liñares; do Presidente da Escola Basket Xiria Diego Vázquez Reino e de representantes de Escola Basket Xiria, organizadora da cita, así como de tódalas entidades colaboradoras.

Tamén haberá unha actuación do Mago Alex para os máis pequenos, amenizando esta presentación.

Invitación PRESENTACION

Non faltes!!

30 Abr

Pechase o inscrición do 4ºDía do Pequebasket con 60 equipos

A unha semana do prazo dado inicialmente pola organización do 4º DIA do PEQUEBASKET, péchase anticipadamente o prazo de inscrición dado o número de equipos anotados. O número de equipos participantes quedara nesta nova edición en 60 inscritos que estarán en Carballo o vindeiro día 17 de Maio.

Carballo, 30 de abril do 2015A organización do 4º Dia do Pequebasket, decidiu onte nunha reunión, de acordo coa Federación Galega de Baloncesto pechar o prazo de inscrición (inicialmente remataba o 06.05.16) desta cuarta edición, dado o número de equipos interesados e así non deixar a ningunha das solicitudes fora da actividade. Os 60 equipos que participarán no 4º Dia do Pequebasket, eleva o número de participantes a máis de 700.

Dos 49 equipos que inicialmente poñiamos coma límite e dado as solicitudes desta ultima semana (o dia 22.04.16 contabamos con 34 equipos) inscritos decidiuse elevar ata ao numero actual e así pechar esta edición, que unha vez máis supera as expectativas da Escola Basket Xiria, Concello de Carballo, Deputación da Coruña e Federación Galega de Baloncesto.

Isto ben a confirmar que a idea de organizar o DIA DO PEQUERBASKET como EVENTO LÚDICO-DEPORTIVO e coma clausura das Escolas de Iniciación de Baloncesto do Club, esta a chegar aos clubs de Galicia e xa conta con moitos equipos que non se queren perder este día de xogos, diversión e deporte en Carballo.

Para a vindeira semana daremos máis datos sobre os equipos, clubs e participantes. Aproveitamos a presente, para recordarvos a data de presentación do 4º Dia do Pequebasket, que será o vindeiro XOVES día 5 de MAIO, as 19h no Casino de Carballo e na que estades tod@s convidados.

ESCOLA BASKET XIRIA                       #4DiaPequebasket

 

24 Abr

Xa son 34 os equipos inscritos para o 4ºDía do Pequebasket

Aínda que o prazo abriuse o pasado día 15, en tan só unha semana, xa son 34 os equipos inscritos, dun total de 49 que este ano limita a organización. O prazo seguirá aberto ata o vindeiro día 6 de Maio.

Carballo, 22 de abril do 2016. A día de hoxe xa hai 34 equipos inscritos para o 4ºDía do Pequebasket, o que indica que este ano voltaremos a bater un novo récord e chegar aos 49 equipos inscritos. A Escola Basket Xiria espera reunir o vindeiro 17 de maio en Carballo a preto de 600 nenas e nenos de 5 a 8 anos de idade, que gozarán xunto ás súas familias dunha xornada de deporte, cultura, xogos e diversión. Ao mesmo tempo que seguen a chegar solicitudes de participación, o equipo organizador do Día do Pequebasket avanza na programación dos distintos apartados da actividade, que ten un marcado carácter familiar e que supón, ao mesmo tempo, unha homenaxe do baloncesto carballés ao Día das Letras Galegas.

 

O prazo de inscrición rematará o día 6 de Maio e as solicitudes poden tramitarse a través da Federación Galega de Baloncesto (galicia2018@fegaba.com), tendo toda a información na web: www.diapequebasket.es

Tamén a nivel turística e hostelería, os participantes poden solicitar dita información a través da web de turismo do Concello de Carballo (www.turismocarballo.com) e na propia oficina turística, no teléfono: 981 702 077 e correo electrónico: museo@carballo.org .

O vindeiro xoves día 6 de Maio, cando remate do prazo de inscrición, farase a Presentación Oficial do 4º Dia do Pequebasket, nun coñecido e antigo local asociativo de Carballo, que desvelaremos na vindeira semana… Contaremos coa presenza das Autoridades Locais e Provinciais (deputación da Coruña) e máis da Federación Galega de Baloncesto, este día darase a coñecer os pormenores e novas actividades do 4º Dia do Pequebasket.

ESCOLA BASKET XIRIA
Pav. IES Isidro Parga Pondal
Rúa Muíño da Pintura, nº 4
CARBALLO (A Coruña)
M. 607 847 925 | F. 981 75 85 54
info@diapequebasket.es
www.diapequebasket.es
#4Dia Pequebasket

14 Abr

O vindeiro venres día 15 de Abril ábrese o prazo de inscrición para o “4º Día do Pequebasket “.

Xa son varios equipos os que confirmaron a súa asistencia, antes da propia apertura formal do prazo da inscrición, polo que a Escola Basket Xiria, conta superar os inscritos da terceira edición.

Carballo, 14 de abril do 2016.  O venres día 15 de Abril, ábrese o prazo de inscrición para a cuarta edición do DIA DO PEQUEBASKET. A Escola Basket Xiria espera reunir o vindeiro 17 de maio en Carballo a máis de 600 nenas e nenos de 5 a 8 anos de idade, que gozarán xunto ás súas familias dunha xornada de deporte, cultura, xogos e diversión. Ao mesmo tempo que seguen a chegar solicitudes de participación, o equipo organizador do DIA DO PEQUEBASKET avanza na programación dos distintos apartados da actividade, que ten un marcado carácter familiar e que supón, ao mesmo tempo, unha homenaxe do baloncesto carballés ao Día das Letras Galegas.

O prazo de inscrición rematará o día 6 de Maio e as solicitudes tramítanse a través da FEDERACION GALEGA DE BALONCESTO, no enderezo electrónico: galicia2018@fegaba.com  e a solicitude de inscrición (enlace: http://www.diapequebasket.es/wp-content/uploads/Inscricion-+-Info-D%C3%ADa-do-Pequebasket_2016.pdf) , ao igual que toda a información dispoñible sobre o evento está páxina web:  www.diapequebasket.es

Inscricion DIA PEQUEBASKET 2016

Nesta cuarta edición, que supón todo un grande esforzo a nivel organizativo e un novo reto, haberá novidades respecto ás actividades lúdicas, nas que estamos a traballar para a diversión dos participantes e de todo o público en xeral que desexa pasar un dia distinto con nós.

A Escola Basket Xiria agradece a implicación do Concello de Carballo, a Deputación Provincial da Coruña e a Federación Galega de Baloncesto, así coma de todos os patrocinadores do Club e dos colaboradores pola boa acollida que dispensan ao DIA DO PEQUEBASKET.

ESCOLA BASKET XIRIA

©dende 2012 - 17 Maio - Día do Pequebasket by ESCOLA BASKET XIRIA